Бирге

Бир колкапты эскерүү 20 жылдан көп Нарында кыш тоскон мен кийинчирээк жылуу жерге көчүп келгени, -6 градуста деле чүрүшүп тоңуп баштачу болдум. Адеп чыйрыгып эле жатам го десем тишим тишиме тийбей, денем жүнү жаңы жулунгун тооктукундай бүдүрлөнүп чыкчу болду. Оронуп, чулганып айга уччу космонавттардай болуп кийинейин дейм, тоолук экенимди эстеп уялам. Элдер үшүбөй эле, сууктан кабары жоктой жүрөт. Эмне балээ жейт да булар тоготпойт деп, уят сыйытты жыйыштырып сурасам Жылуу Тек деген технология менен тигилген кийимдерди кийишет экен. Маданияттан айланса болот, кошулайын бул 21 инчи кылымына деп, жүгүрүп барып дүкөнүнө кирип баасын сурасам, бир ичиктин баасындай экен ич кийимге койгон наркы. Бул технологияны ойлоп чыккандын айлыгынан, небересинин пенсиясына чейин төлөткүсү бар, мен 1990 жылдардын каатчылыгынан чыккан немемин, ич кийимге 100 сомдон ашык берген макоолук дедим да дүкөндө дагы эмне бар экен десем, колкап бар экен, баасы да башка кийимдерге салыштырмалуу арзан. Ичимди го э

Бу башында киши деле кийинчү эмес го. Дардайып, айбандардай эле аласын, төшүн жаппай жүрө берсе керек. Анан суук тийгенби эмне балээ, иши кылса бу жүнү жок, алсыз немелер тери пери жамына баштаса керек. Анан айрым жерлер өзгөчө маанилүү экенин билип, анан жаап - сактап жүрүп, адатка айлантып анан анан кокуй жаппаса болбойт дешти окшойт. Бирок, ушу аланы жапкан менен ачкандын ортосундагы өтүү деле оңой болбосо керек, бирдеме ороп алгандарды, - иий нең. Мне, сеники кичикий болуп, көргөзгөндөн уялып атасыңбы, аны муну деген кептер деле өтсө керек. Ал тургай жамынгандарды кошпой, тур нең, кичи чочолуу, нары тур эй деп кошушпай, кыйлага кыйнаса деле керек. Бу адамзаты кылат аны. Ал кезде ООН моон да жок, сот десең а да жок, болсо деле биздин кыргыздардыкындай бир күнү актап, бир күнү боктогон неме болсо керек, анан ал бечара дагы суука үшүгөн немелерди таап, өзүнчө үйүгүшүп, коом түзүшүп... Кийин, көбөйүп кеткенде жылаңач килиңдетип жүргөндөрдү кайра басмырлашса керек, кийимчендер өч ал

Билбесең, башыңдан өткөрүп оор кайгыны, түшүнбөйсүң түгөнбөчүдөй көз жаш агызып, күйүттөн онтогонду. Укпасаң, болоорун бир мукам добуштардын, Термелип, жоготкон өзүн. Унуткан баарын, обон уккандарды байкабайсың. Сүйбөсөң, таштап баарын, бой уруп. Жалгыз гана бирөө деп, бирөөнү угуп. Ашыктар акылсыздар, сен үчүн.

Бүгүн көчөгө чыгалы дедик. Бала көргөнү келгендер Бишкектен кийгизген Көк шымы өтө калкос көрүнгөндүктөн, Юниклонун дежүр шымынан бирди эки бутуна өткөрө салып, экиге чыгайын десе да "чычам, сийем" дебеген уулумдун жалайагын даярдаганы жубайым туруп кетти. Мен да өз арбайымды согоюн деп, үйгө кийген шымымды чечип, кийим издеп отурсам, "хи хихи хи" деп уулум ыштанчан мени шылдыңдай баштады. Чечинтип койсо, чочосун жаба албаган бул басмачыга ким үйрөттү жарым жылаңачтарды шылдыңдаганды... Эми чыгалы дегенде баягы шымына сууну төгүп жетип келди. Энесин уралы эшиктин деп, үйгө эле отурмай болдук. Чокубузгабы? Сыртка чыгам деп жээликкен балам, заматта бизди кууруп жиберди. Натыйжасында көк калкос шымын кийгизип чыгардык. 

Негизи улут намысы, кадыры жөнүндө жазайын дегем. Клавиатура терип отурсам, уулум тиземе ээгин жөлөй жаныма келди. Таптаза эки көзү менен тиктей, маймыл тилинде бирдемелерди кобуранып, тамак талап кылганын билдирди. Өткөндө ала келген чипстерден бирди үмүт кылганын биле, бирөөнү ачтым. Ачсам, жөжө сымал оозун ачып, али отуз боло элек (азуулары чыга элек) тиштерин көргөзүп, талабынын таламында чечкиндүү экенин билдирди... Жазуусун да, твиттерин да энесин урайын дедик да чипс жеп кирдик; - Ме, ач оозду. (Кытыр күтүр кытыр күтүр) Жеп түгөткөндөн кийин, бош калган баштыкты карматсам, таштандыга таштап келди. Иий, муну пайдаланса болот экен деп калдым. Дароо телефонго жөнөттүм сайылып турган жеринен алып келсин деп. Ошону бекер кылыпмын; бир аздан кийин баягы телефон менен ар нерсени ургулап жүргөн жеринен телефонду куткарып калдык, оокат деген кийин экен. Бир эки сааттай согушуп, тумшука беш алтынын жегенден кийин качып кеттим, жубайым калтырып. Ошо бойдон уктаптыр уулум. Түнү тоңуп б